Suzuki Jimny XL．AV解構印度製五門Jimny，點止多兩隻門咁簡單！

自從第四代Suzuki Jimny喺2018年面世之後，都掀起咗一股越野車嘅熱潮，唔單止香港，喺世界各地都有一班忠誠fans狂改狂玩！不過一路以嚟鈴木Jimny都只係得三門版，直至上年，五門Jimny終於出場喇！加大版由日本製改咗做印度製，網上唔少人都擔心呢款Jimny XL嘅造工拍唔拍得住日本製嘅三門Jimny，究竟實情係點呢？呢款Suzuki越野車多咗兩隻門，車身長咗唔少，揸起嚟有冇分別？實用性好咗幾多？Jimny改裝都算係必玩項目之一，揸得入門越野四驅車嘅你，又會想點樣改裝呢？