唔少人都覺得四驅就係無敵,但喺汽油車世界之中已經證明呢個講法未必完全正確。踏入電動車年代,更加多同款車出現兩驅同埋四驅版本,究竟四驅版係唔係一定好過前驅或後驅版呢?係唔係部部四驅電動車都係用同一套板斧,加多個摩打變成四驅咁簡單?為咗解答以上種種疑問,我今次一於搵嚟四部各具特色嘅四驅電動車,話俾大家知答案係乜!