考吓大家,知唔知咩牌子嘅車係「車壇臭豆腐」? 冇錯,就係Tesla,事關啲人又要diu,又要買,十足臭豆腐咁。今集介紹嘅Model 3 後驅版仲要係史上最平「臭豆腐」,因為售價只係$270,200起!而且續航距離都有510公里,0-100km/h 6.1秒,最大馬力280匹,論牌面真係赢晒。 喺一換一政策調整完之後,Tesla居然仲可以賣到一部咁平嘅電動車,都咪話唔犀利,其他電動車代理真係腳都震埋。 呢部入門Model 3就咁睇似乎冇抗拒嘅理由,唔知揸起上嚟又係咪咁樣呢?