今集Chill好倾,同大家一齐倾倾抖音网红「潮汕阿秋」单车被偷事件。 追风逐雨抵黄沙,用这一句来形容抖音网红「潮汕阿秋」就最为不过啦,佢追风骑游中国32站,并将历程拍片放喺抖音分享,唔少人一直都为佢打气,而正当去到旅程嘅最尾两站,香港同澳门之时,就喺香港站畀无耻之徒偷走咗单车,而佢痛失单车嘅影片更喺网上广传,唔少网民都为佢感到痛心,最后阿秋唯有报警处理。 阿秋3月9号报警,警方喺翻查大量闭路电视后,第二日即3月10日就神速拘捕1名45岁男子涉案男子,该男子承认偷走咗阿秋嘅单车,并于深水埗转卖,警方现正追查失车下落。虽然单车仍未寻回,但阿秋对于警方嘅努力,同香港人嘅关心非常感激,更大赞香港人认真、热情咁帮佢处理事件。 大家对事件有咩睇法?欢迎一路收听Chill好倾,一路留言畀我哋。 仲有记得逢星期一、五晚上,准时收听我哋Chill好倾,同你茶馀饭后,笑谈新闻。