【 娱乐新闻台 】刑慧敏认有中招后遗症 康復后中气不足易喘气

嚟紧25号星期日就係《香港小姐竞选2022》嘅决赛，19位候选佳丽亦作最后冲刺，积极备战。 呢日佢哋就出席活动学习护肤知识，当中早前曾经确诊嘅13号刑慧敏，喺台上分享嗰阵仲有几声咳，事后佢就话係中招后遗症，而家讲嘢会有啲中气不足，而且喉咙成日都好痕同仲有啲咳。 而同样曾经中招嘅10号何思懿同18号何诗琪，就话而家讲嘢大声唔到，同埋戴住口罩讲嘢好易会喘气。 讲到已经冇见家人一段时间，17号张静婷就话好挂住妈咪，因为佢哋号感情好好，成日黐住一齐，佢话参选之后每晚都有同妈咪FaceTime倾电话。反而4号许子萱、11号冯嘉敏同14号梁超怡， 都话惯咗独立嘅生活，所以就还好。 呢日咁多位候选佳丽仲要学做KOL直播sell产品，当中8号林钰洧就成为「网民至like KOL」，佢事后就话觉得自己仲有好多进步空间。而3号陈瑞菱同15号张光怡都话喺今次课程学到好多嘢。