ཨེ་མ་ཧོ། མདུན་ནམ་མཁར་འཇའ་འོད་འཁྲིགས་པའི་ཀློང་།། ལྷ་རྩ་གསུམ

ཨེ་མ་ཧོ། མདུན་ནམ་མཁར་འཇའ་འོད་འཁྲིགས་པའི་ཀློང་།། ལྷ་རྩ་གསུམ་དགྲ་བླའི་སྤྲིན་ཕུང་དབུས།། ཕ་སྐྱེས་མཆོག་ནོར་བུ་དགྲ་འདུལ་རྩལ།། བྱིན་ཐིབས་སེ་དགྱེས་ཞལ་ངོམ་བཞིན་བཞུགས།། མགོན་རྒྱལ་བ་ཀུན་འདུས་ཐུགས་རྗེ་ཅན།། དཔལ་ཨོ་རྒྱན་ཆེན་པོའི་སྤྲུལ་པའི་སྐུ།། རྗེ་རིགས་གསུམ་གཅིག་འདུས་སེང་ཆེན་རྒྱལ།། བུ་མོས་གུས་བཟོད་མེད་གདུང་ཤུགས་ཀྱིས།། ཕ་ཁྱོད་ལ་གསོལ་བ་སྙིང་ནས་འདེབས།། ཐུགས་འོད་གསལ་འཕོ་འགྱུར་མེད་པའི་ངང་།། བྱམས་སྙིང་རྗེའི་སྤྲིན་ཆེན་རྟག་ཏུ་འཁྲིགས།། ལས་སྨོན་ལམ་མཐུན་པའི་གདུལ་བྱ་ལ།། བྱིན་བཙན་ཐབས་འདེབས་པའི་ཐུགས་རྗེ་ཅན།། དཔལ་དགྲ་བླའི་སྐུ་ཆས་རེ་རེ་ཡང་།། ལྷ་རྩ་གསུམ་དཀྱིལ་འཁོར་གྲངས་ལས་འདས།། དྲན་ཙམ་གྱིས་བྱིན་རླབས་དབང་ཆེན་ཐོབ།། ཡབ་དཔའ་བོའི་བྲོ་བརྡུངས་ཁྲབས་སེ་ཁྲབ།། ཡུམ་དཔའ་མོའི་གླུ་ལེན་ཤ་ར་ར།། རྟ་འདོ་རྗེའི་ཧེར་སྒྲ་ལྷང་སེ་ལྷང་།། དཔའ་དགྲ་བླའི་བཞད་སྒྲ་ཆེམས་ཆེམ།། སེམས་མོས་དུང་ཅན་གྱི་སྐྱེ་བོ་ལ།། ད་མ་གཡེལ་མ་གཡེལ་བྱིན་གྱིས་རློབས།། ལུས་འདི་ལ་དགྲ་བླའི་དཔའ་རྫོང་ཆོས།། ངག་འདི་ལ་འཕྲུལ་གསུང་དབང་ཞིག་སྐུར།། སེམས་འདི་ལ་བདེ་སྟོང་རིག་རྩལ་སྦོར།། རྗེ་ཁྱེད་དང་དབྱེར་མེད་འགྲུབས་པར་ཤོག། བླ་མ་མཁྱེན།།  བླ་མ་མཁྱེན།།   བླ་མ་མཁྱེན།།